Nakita kita ulit kagabi.
Naka-puti kang polo. Nagkalaman ka na din.
Nakangiti ka sa akin. Maya-maya, hinalikan mo ako at hinapit palapit sa'yo.
Magulo ang eksena. Bigla na lang, naglalakad na daw tayo.
Sinabihan mo ako na tumataba ako. Naghabulan tayo na parang batang nagaasaran.
Tumunog ang celfone ko. Alas-siyete na pala.
Pero ayoko pang tumayo. Gusto ko pang damhin ang pagkikita natin muli.
Pumikit ulit ako. Maya-maya lang, para na naman akong dinuyan palayo sa realidad.
Nagpakita ka muli. Nakaputi ka pa ring polo.
Nakaupo na daw tayo nang magkatabi. Nagbabasa ka ng libro.
Tinitigan lang kita nang matagal. Maya-maya, niyakap kita ng mahigpit na mahigpit.
"Miss na miss na kita!"
Yan lang ang tangi kong nasabi.
Hanggang sa muli ka na namang nawala sa paningin ko.
At ako'y naiwan na namang umaasa na makita kang muli.
***peppermint 09262009***
No comments:
Post a Comment